जुन्नर, ता. १७ : बल्लाळवाडी- पांगरीमाथा (ता. जुन्नर) येथील राजाराम पाटील वृद्धाश्रमातील आजी- आजोबांचे मोफत डोळे तपासणी, चष्म्याचा नंबर काढणे व त्यांना त्यांच्या पसंतीचे चष्मे देण्यात आले. डॉ. विलास बोंद्रे यांच्या मार्गदर्शनाखाली जुन्नर येथील माऊली आय केअर सेंटर व राम वैदकर हॉस्पिटल यांच्या विद्यमाने हा उपक्रम राबविण्यात आला.
सेवाभावी संस्थांच्या माध्यमातून वृद्धाश्रमात सामाजिक, सांस्कृतिक,आरोग्य विषयक उपक्रम राबवले जातात. डॉ. बोंद्रे यांनी आजी-आजोबा, तसेच संस्थेतील कर्मचाऱ्यांसह एकूण २७ जणांची नेत्र तपासणी केली.
याप्रसंगी शिवनेर प्रतिष्ठानचे अध्यक्ष विवेक तांबोळी, सेक्रेटरी मंगेश गाढवे, संचालक डॉ. फकीर आतार, मारुती शिंदे पाटील, तसेच व्यवस्थापिका मनीषा खिलारी, मदतनीस नामदेव खोकले आदी उपस्थित होते.

09177