जुन्नर, ता. ६ : समर्थ नगर-कुसूर ता.जुन्नर येथील श्री स्वामी समर्थ विसावा मंदिरात मंगळवारी (ता. ७) आश्विन पौर्णिमेनिमित्त सामुदायिक श्री दुर्गासप्तशती पाठवाचन व श्री मल्हारी मार्तंड कुलस्वामी जागरण सोहळा आयोजित करण्यात आला आहे, अशी माहिती तुकाराम महाराज दुराफे यांनी दिली.
यानिमित्ताने सकाळी भूपाळी, श्री स्वामी समर्थ व श्री दत्त मूर्ती महाअभिषेक, ‘श्रीं’चा पालखी सोहळा व औदुंबर प्रदक्षिणा, ॐ श्री स्वामी समर्थ सामुदायिक जप व महाआरती होणार आहे. यानंतर वैशाली पांडे, माधुरी म्हसकर, सुनंदा बुट्टे पाटील, मंगल दुराफे, प्रतिभा मेहेर याच्या प्रमुख उपस्थितीत श्री दुर्गासप्तशती सामुदायिक पाठवाचन होणार आहे. यानंतर नैवेद्य महाआरती व महाप्रसादाचे आयोजन केले आहे. दुपारी श्री कुलस्वामी खंडेराय सामुदायिक ५१ जागरण सोहळा व खंडेराय आरतीने कार्यक्रम सांगता होईल.