खळद : येथे आयोजित आरोग्य तपासणी शिबिरास महिलांचा उत्स्फूर्त प्रतिसाद मिळाला. खळद(ता.पुरंदर) येथे भारत फोर्ज लि., पुणे, खळद ग्रामपंचायत व बेलसर प्राथमिक आरोग्य केंद्र अंतर्गत उपकेंद्र खळद यांच्या संयुक्त विद्यमाने महिलांसाठी मोफत आरोग्य तपासणी शिबिराचे आयोजन करण्यात आले होते. यावेळी सहयोग सेवा संस्था,समवेदना (सह्याद्री हॉस्पिटल)पुणे यांच्या मदतीने सर्व तपासणी करण्यात आली. यावेळी गावातील १९ वर्षांपुढील महिलांच्या तपासणी करण्यात आल्या यामध्ये महिलांसाठी कर्करोग पुर्वनिदान व आरोग्य, स्तनाची विशेष तपासणी स्रीरोग तज्ज्ञांकडून तपासणी व समुपदेशन, हिमोग्लोबिन तपासणी व रक्तगट तपासणी, आवश्यकतेनुसार सोनोग्राफी, मेमोग्राफी, हिमोग्राम, युरीन तपासणी, तज्ज्ञांकडून समुपदेशन, मार्गदर्शन करण्यात आले.