कडूस, ता. १६ : कडूस (ता. खेड) परिसरात स्वातंत्र्य दिनानिमित्त सेवानिवृत्त जवान, तसेच विविध शिष्यवृत्ती परीक्षेतील यशस्वी विद्यार्थी व मार्गदर्शक शिक्षकांचा सन्मान करण्यात आला. दिवंगत अशोकभाऊ शेंडे युवा मंचाच्या वतीने अभिनाथ शेंडे व भावना शेंडे यांनी त्यांना स्मृतिचिन्ह दिले.
निवृत्त जवान अरुण ढमाले व किसन ढमाले यांना शाल, श्रीफळ व स्मृतिचिन्ह देऊन सन्मानित केले. ग्रामपंचायतीसमोर सरपंच हेमलता खळदकर, उपसरपंच रंजना पानमंद यांच्या हस्ते ध्वजवंदन झाले, तर सोसायटीसमोर अध्यक्ष शंकरराव कावडे, सचिव तात्यासाहेब कल्हाटकर यांच्या हस्ते ध्वजवंदन, तर माजी अध्यक्ष पंडित नेहेरे यांनी ध्वजपूजन केले. डायनॅमिक इंग्रजी माध्यम विद्यालयात संस्थापिका जयश्री गारगोटे व ओमशांतीच्या मेधा बहेनजी यांनी ध्वजवंदन, तर विविध कार्यकारी सोसायटीचे अध्यक्ष शंकरराव कावडे, माउंट अबू येथील ओमशांती केंद्राचे दिनेशभाई यांनी ध्वजपूजन केले.
जिल्हा परिषद प्राथमिक शाळा क्रमांक एक येथे शिष्यवृत्ती परीक्षेत गुणवत्ता यादीत स्थान मिळविलेले विद्यार्थी, मुख्याध्यापक अशोक चव्हाण व सरपंच हेमलता खळदकर यांनी, तर गारगोटवाडी येथे सरपंच वर्षा बच्चे, उपसरपंच रोहिणी गारगोटे, रानमळा ग्रामपंचायती समोर सरपंच प्रमोद शिंदे, रामभाऊ म्हाळगी माध्यमिक व उच्च माध्यमिक विद्यालयात संस्थेचे अध्यक्ष अशोक गारगोटे व मुख्याध्यापक अनिल पोटे यांनी ध्वजवंदन केले.
यावेळी सरपंच हेमलता खळदकर, सोसायटीचे अध्यक्ष शंकरराव कावडे, उपाध्यक्ष अशोक बंदावणे, अशोक गारगोटे, उपसरपंच रंजना पानमंद, माजी उपसरपंच अनिकेत धायबर, चांगदेव ढमाले, श्यामकांत खळदकर, अक्षय खळदकर, गणेश जाधव, शांताराम अभंग, योगेश ढमाले, प्रकाश कालेकर, ग्राममहसूल अधिकारी दीपक कट्टे आदी उपस्थित होते. पोटे, तालुका क्रीडा शिक्षक संघटनेचे अध्यक्ष रामदास रेटवडे, प्रवीण काळे, दत्तात्रेय येवले, चव्हाण, राजेंद्र गारगोटे आदींनी कार्यक्रमाच्या यशस्वी नियोजनासाठी परिश्रम घेतले.

०१८८७