केडगाव, ता. २४ : वरवंड ( ता.दौंड) येथील तळ्यातील पाण्यात उतरलेल्या वीज प्रवाहाच्या धक्क्याने एक मजूर ठार झाला. ही घटना शुक्रवारी (ता. २३) सायंकाळी घडली आहे.
दशरथ रामचंद्र मोरे (वय ४५ रा. काळेवस्ती चौफुला ता.दौंड, मूळ गाव साकेगाव-डिगरा ता.जळगाव) यांचा या घटनेत मृत्यू झाला.
मोरे हे वरवंडच्या व्हिक्टोरिया तलावाच्याकाठी शेळ्या चारत होते. शेळ्या चारत असताना त्यांचा तळ्यातील पाण्याशी संपर्क आला. त्यात ते जागीच ठार झाले. तळ्यापासून एक वीज वाहिनी गेली होती. तिची तार तुटून पाण्यात पडली होती. त्यामुळे पाण्यात वीज प्रवाह उतरला होता. राजू मोरे यांनी या संदर्भात फिर्याद दिली आहे. सहायक पोलिस निरीक्षक प्रवीण संपांगे पुढील तपास करीत आहेत.