निमगाव केतकी, ता. २८ : वरकुटे खुर्द (ता. इंदापूर) येथील नागेश ठवरे यांची केंद्रीय सशस्त्र पोलिस दलामधील (सीएपीएफ) केंद्रीय राखीव पोलिस दलामध्ये उपनिरीक्षक पदी निवड झाली.
कर्मचारी निवड आयोग आयोजित (एसएससी-सोपीओ २०२४) परीक्षेचा निकाल जाहीर झाला. यामध्ये नागेशची उपनिरीक्षक पदी निवड झाली. जिद्द, चिकाटी व अथक परिश्रमांच्या जोरावर त्याने हे यश संपादन केले. याबद्दल त्याचे सर्वत्र कौतुक होत आहे. नागेशचे प्राथमिक शिक्षण काटी येथील जिल्हा परिषद प्राथमिक शाळेत व माध्यमिक शिक्षण हे काटेश्वर माध्यमिक विद्यालयात झाले. तर, बी.टेक मेकॅनिकल ही पदवी इस्लामपूर येथील राजारामबापू पाटील महाविद्यालयातून त्याने घेतली आहे.
मार्च २०२५ मध्ये नागेशच्या थोरल्या बहिणीने पोलीस उपनिरीक्षक पदी गवसणी घातल्यानंतर आता त्याने स्वतः हे यश संपादन केले. याबद्दल वडील पंढरीनाथ ठवरे व आई वैशाली ठवरे यांनी आनंद व्यक्त केला आहे.