निमगाव केतकी, ता. २९ : उपमुख्यमंत्री अजित पवार यांच्या विमान अपघात निधनानंतर निमगाव केतकी (ता. इंदापूर) ग्रामस्थांनी सलग दोन दिवस बुधवारी (ता. २८) व गुरुवारी (ता. २९) स्वयंस्फूर्तीने संपूर्ण गाव बंद ठेवून आपल्या लाडक्या नेत्याला श्रद्धांजली अर्पण करत कृतज्ञता व्यक्त केली.
बुधवारी अजित पवार यांच्या निधनाची बातमी समजतात संपूर्ण गाव दिवसभर कडकडीत बंद होते. संत सावतामाळी चौकामध्ये घेतलेल्या शोक सभेत विविध पक्षातील पदाधिकारी यांच्यासह ग्रामस्थ मोठ्या संख्येने उपस्थित होते. यावेळी अंकुश जाधव, दशरथ डोंगरे, मच्छिंद्र चांदणे, दत्तात्रेय शेंडे, अतुल मिसाळ, संतोष राजगुरू, दीपक भोंग, संतोष गदादे, संतोष हेगडे, ॲड. सचिन राऊत यांनी पवार यांच्या आठवणींना उजाळा दिला. तसेच, या भागात केलेली विकास कामे सांगत त्यांना श्रद्धांजली अर्पण केली.
गुरुवारी दुसऱ्या दिवशी अजित पवार यांचे अंत्यसंस्कार झाल्यानंतर दुपारी तीन वाजेपर्यंत संपूर्ण गाव कडकडीत बंद होते. दुपारी तीननंतर काही प्रमाणात लोकांनी दुकाने उघडली.