कोळवण, ता. २८ : मुळशी तालुक्यामध्ये एकात्मिक बाल विकास सेवा योजना प्रकल्पांतर्गत असलेल्या तालुक्यामधील ग्रामपंचायत हद्दीमधील अंगणवाडी सेविका केंद्रामधील रिक्त असणारी दोन व अंगणवाडी मदतनीसांची १३ रिक्त पदे भरण्यासाठी सुरुवात झाली आहे. २६ जुलैपासून अर्ज भरण्यासाठी सुरुवात झाली असून नऊ जुलैपर्यंत आॅनलाईन अर्ज भरता येणार आहेत.
जाहिरातीमधील अटी व शर्तीस आधीन राहून या भरतीसाठी इच्छुक असणाऱ्या महिलांनी येत्या नऊ जुलैपर्यंत आॅनलाईन अर्ज करण्याचे आवाहन बाल विकास प्रकल्प अधिकारी धनराज गिराम यांनी केले आहे.

अंगणवाडी सेविका रिक्तपदे (०२) : नांदिवली, मातेरेवाडी
मदतनीस रिक्तपदे (१३) : नांदिवली, भादस, गावडेवाडी, शिळेश्वर, मुगाव, दिघे वाडी, खाटपेवाडी, मोसे खुर्द, ताम्हिणी, गवारे वस्ती, पळसे, पिंपरी, अहीर वाडी.

अर्ज या संकेतस्थळावर करावेत :
https://zppune-wcd.chanakyasoft.com

अर्ज करण्यासाठी आवश्यक पात्रता

शैक्षणिक पात्रता -किमान इयत्ता १२ वी उत्तीर्ण
वास्तव्याची अट -अर्जदार स्थानिक गावातील रहिवासी असणे आवश्यक (ग्रुप ग्रामपंचायत नव्हे)
वय - १८ ते ३५ वर्षे (विधवा महिला उमेदवारासाठी - ४० वर्षे)
अर्जदाराचे लहान कुटुंब प्रतिज्ञापत्र व इतर आवश्यक कागदपत्रे