मंचर, ता. १६ : गोकुळनगरी-निघोटवाडी(ता. आंबेगाव) येथे गोकुळ अष्टमीनिमित्त दरवर्षी प्रमाणे आयोजित अखंड हरिनाम सप्ताहाची भक्तिमय वातावराणात सांगता झाली.
या सोहळ्याने ११९ व्या वर्षात पदार्पण केले आहे. त्यानिमिताने शनिवारी (ता. १६) अखंड हरीनाम सप्ताहच्या सांगता समारंभ निमित्त काल्याचे कीर्तन करणारे कीर्तनकार परमेश्वर महाराज फपाळ श्रीक्षेत्र आळंदी यांचा सन्मान शरद बँकेचे अध्यक्ष देवेंद्र शहा यांच्या हस्ते करण्यात आला. यावेळी पूर्वा वळसे पाटील ,भीमाशंकर कारखान्याचे अध्यक्ष बाळासाहेब बेंडे, सुरेश भोर, राजाराम बाणखेले, प्रा. सुरेखा निघोट, धनंजय निघोट, सचिन निघोट, संदीप निघोट, मिना निघोट यांच्यासह ग्रामस्थ उपस्थित होते. सर्व मान्यवरांचे सत्कार सरपंच नवनाथ निघोट, उपसरपंच चेतन निघोट यांच्या हस्ते करण्यात आले. श्री हनुमान प्रासादिक भजन मंडळ यांचा भजनाचा कार्यक्रम झाला.