मंचर, ता. ६ : आंबेगाव तालुका सहकारी खरेदी विक्री संघाच्या अध्यक्षपदी नवनाथ हुले (नारोडी) व उपाध्यक्षपदी शामराव बांबळे (जांभोरी) यांची बिनविरोध निवड झाली.
मंचर (ता. आंबेगाव) येथे खरेदी विक्री संघाच्या मुख्यालयात निवडणूक निर्णय अधिकारी तथा सहाय्यक निबंधक विठ्ठल सूर्यवंशी यांच्या उपस्थितीत निवडणूक प्रक्रिया पार पडली.
ज्ञानेश्वर घोडेकर यांनी अध्यक्षपदाचा व सोपान नवले यांनी उपाध्यक्षपदाचा राजीनामा दिल्याने रिक्त पदांसाठी निवडणुक घेण्यात आली होती.
आंबेगाव तालुका राष्ट्रवादी काँग्रेस पक्षाचे अध्यक्ष विष्णू हिंगे, भीमाशंकर कारखान्याचे अध्यक्ष बाळासाहेब बेंडे, शरद सहकारी बँकेचे उपाध्यक्ष विवेक वळसे पाटील व भगवानराव वाघ यांच्या हस्ते अध्यक्ष हुले व उपाध्यक्ष बांबळे यांचा सत्कार करण्यात आला. यावेळी सचिव गणेश हुले, नारायण हुले पाटील, प्रकाश घोलप, सुभाष मोरमारे व संजय गवारी उपस्थित होते. ‘‘माजी गृहमंत्री दिलीप वळसे पाटील व विवेक वळसे पाटील यांच्या मार्गदर्शनाखाली आणि संचालक मंडळाच्या सहकार्याने शेतकऱ्यांच्या हितासाठी पारदर्शक कामकाज केले जाईल.” असे हुले यांनी सत्कार प्रसंगी सांगितले.