मंचर, ता. २४ : येथील रोटरी क्लबच्या वतीने दीपावलीनिमित्त एकलहरे (ता. आंबेगाव) चिंतामणी लॉन्समध्ये ‘सांज दीपावली’ कार्यक्रमाचे आयोजन केले होते. या कार्यक्रमाला श्रोत्यांचा उस्फूर्त प्रतिसाद मिळाला.
कार्यक्रमाचा प्रारंभ रोटरी क्लबचे अध्यक्ष ज्ञानेश्वर चव्हाण, सचिव योगेश शिंदे व डॉ. सतीश गुजराथी यांच्या हस्ते झाले. पुणे येथील गायक मनोज सावंत व त्यांच्या सहकार्यांनी सादर केलेल्या मराठी, हिंदी व भक्तिगीतांच्या सुरेल मैफलीने श्रोते मंत्रमुग्ध झाले. ‘देवा तुझ्या गाभाऱ्यात माझं मन हरवलं, घे चरणी तुझ्या माझं आयुष्य ठेवलं.’ ‘दीपांच्या या प्रकाशात, उमलू दे नवी आशा, प्रेम, आनंद, सौहार्द यांची भरारी घेऊ दे नवी दिशा,’ या गीतांना उपस्थितांनी भरभरून दाद दिली.
रोटरी क्लबचे प्रशांत बागल, डॉ. कैलास धायबर, सचिन काजळे, अभियंता बाळासाहेब पोखरकर व आदिनाथ थोरात यांनी व्यवस्था पाहिली. आशिष पुंगलिया यांनी प्रास्ताविक व जनार्दन मेंगडे यांनी आभार मानले.