मंचर, ता.७ : अवसरी खुर्द (ता. आंबेगाव) येथे श्री काळभैरवनाथ जन्माष्टमी सोहळ्यानिमित्त श्री काळभैरवनाथ व इतर मंदिर ट्रस्टच्या वतीने अखंड हरिनाम सप्ताह व ग्रंथराज ज्ञानेश्वरी पारायण सोहळ्यास गुरुवारी (ता. ६) राष्ट्रीय कीर्तनकार ज्ञानेश्वर महाराज वाबळे (श्री क्षेत्र आळंदी) यांच्या कीर्तनाने सुरुवात झाली.
‘‘शुक्रवार (ता. ७) ते बुधवार (ता. १२) या कालवधीत दररोज रात्री सात वाजता अनुक्रमे भूषण महाराज तळणीकर, अमोल महाराज घुगे, गणेश महाराज करंजकर, अमेय महाराज शिंदे, सुनील महाराज झांबरे, बुधवारी रात्री दहा ते रात्री १२ यावेळेत आकाश महाराज गरगडे यांचे देवजन्माचे कीर्तन व गुरुवारी (ता. १३) सकाळी नऊ वाजता बाळकृष्ण महाराज दारकोंडे यांचे काल्याचे कीर्तन होणार आहे. रात्री सात वाजता श्रींचा पालखी सोहळा व भजनाचे कार्यक्रम होईल. या सोहळ्यासाठी भाविकांनी उपस्थित राहून हरिनाम सप्ताह व ज्ञानेश्वरी पारायणाचा लाभ घ्यावा.’’ असे आवाहन श्री काळभैरवनाथ व इतर मंदिर ट्रस्टचे अध्यक्ष सुरेश भोर, उपाध्यक्ष संजय वायळ व ग्रामस्थांनी केले आहे.