मंचर, ता. १५ : देशाच्या स्वातंत्र्यलढ्यातील महान क्रांतिकारक, आदिवासी समाजाचे जननायक, अन्यायाविरुद्ध लढणारे शूर योद्धा बिरसा मुंडा यांच्या जयंतीनिमित्त मंचर (ता. आंबेगाव) येथे शनिवारी (ता. १५) त्यांच्या स्मृतीस अभिवादन करण्यात आले.
माजी गृहमंत्री दिलीप वळसे पाटील यांनी बिरसा मुंडा यांच्या प्रतिमेचे पूजन करून आदरांजली अर्पण केली. आदिवासी समाजाच्या हक्कांसाठी आणि स्वाभिमानासाठी त्यांनी उभारलेला लढा हा भारतीय स्वातंत्र्यलढ्याचा तेजस्वी, प्रेरणादायी अध्याय असल्याचे वळसे पाटील यांनी सांगितले.
यावेळी आंबेगाव तालुका खरेदी-विक्री संघाचे अध्यक्ष नवनाथ हुले, सरपंच नवनाथ निघोट, रामदास घोलप, सावित्रा थोरात, बाळशीराम ढोमे, निवृत्ती बोंबे, संतोष भोर, संतोष टाव्हरे, रामदास वळसे पाटील, विजय थोरात उपस्थित होते.