मंचर, ता. १५ : येथील नगरपंचायतीच्या निवडणुकीत शनिवारी (ता. १५) नगराध्यक्षपदासाठी एकही उमेदवारी अर्ज दाखल झाला नाही. पण, नगरसेवकपदासाठी एकूण सहा उमेदवार अर्ज दाखल झाले आहेत, अशी माहिती निवडणूक निर्णय अधिकारी अंजली कुलकर्णी व सहाय्यक निवडणूक निर्णय अधिकारी तथा मुख्याधिकारी गोविंद जाधव यांनी दिली. नगरसेवकपदासाठी सहापैकी दोन अपक्षांनी प्रभाग दोन व प्रभाग तेरा करता अर्ज दाखल केलेले आहेत. चार अर्ज शिवसेना पक्षाकडून प्रभाग चार, नऊ, दहा व बाराकरिता दाखल झाले आहेत.