मंचर, ता. ७ : निघोटवाडी (ता. आंबेगाव) येथे पिंपरी चिंचवड येथील डी. वाय. पाटील कॉलेज व आयुर्वेदिक हॉस्पिटलतर्फे आयोजित केलेल्या मोफत आरोग्य तपासणी शिबिरात १७५ रुग्णांची तपासणी करण्यात आली. या शिबिरातील पाच जणांवर डोळ्याच्या व पाच जणांवर हर्नियाच्यास, दोन जणांवर मूळव्याध शस्त्रक्रिया डी. वाय. पाटील हॉस्पिटलमध्ये मोफत केल्या जातील, अशी माहिती शिबिराच्या आयोजक डॉ. कोमल टेमगिरे व डॉ. राहुल घाडगे यांनी दिली. शिबिराचे उद्‍घाटन उद्योजक बाबाजी टेमगिरे व निघोटवाडी ग्रामपंचायतीचे सरपंच नवनाथ निघोट यांच्या हस्ते झाले. यावेळी उपसरपंच चेतन निघोट, डॉ. गुरू प्रसाद, डॉ. आदित्य पांडे, डॉ. एस. बी. वीर, जनसंपर्क अधिकारी भारती मराठे आदी उपस्थित होते. यावेळी गरजू रुग्णांना औषधांचे वाटप करण्यात आले. याप्रसंगी स्त्रियांची वैद्यकीय तपासणी करून त्यांना डॉ. वैष्णवी घोडके यांनी मार्गदर्शन केले.