मंचर, ता. ४ : येथील नगरपंचायतीच्या ज्येष्ठ नागरिक संघ सभागृहात सोमवारी (ता. २) महाराष्ट्र साहित्य परिषद मंचर शाखेतर्फे महात्मा गांधी यांच्या पुण्यतिथी निमित्ताने महात्मा गांधी व दिवंगत उपमुख्यमंत्री अजितदादा पवार यांना श्रद्धांजली वाहण्यात आली. शोकसभेच्या अध्यक्षस्थानी विठ्ठल महामुनी होते. प्रमुख पाहुणे म्हणून पिंपरी- चिंचवड महाराष्ट्र साहित्य परिषदचे अध्यक्ष राजन लाखे होते. शिवव्याख्याते गुलाबराव वळसे पाटील, मंचर नगरपंचायतीचे नगरसेवक वसंत बाणखेले, शकिल जाफरी, विशाल कारंडे, चंद्रकांत गवारी, सगुणा बाणखेले, रूपाली बेंडे, फकिरा देठे, बी. एल. शिंदे आदी उपस्थित होते. यावेळी कामगार नेते ॲड. बाळासाहेब बाणखेले, डॉ. पुरुषोत्तम काळे, साहित्यिक प्रभाकर ओव्हाळ, प्रा. राजाराम बाणखेले यांनी अजितदादांच्या आठवणींना उजाळा दिला. तसेच, स्वातंत्र्य लढ्यात योगदान असलेले महात्मा गांधी यांच्याही शांतता मार्गाने केलेल्या यशस्वी लढ्याची माहिती दिली. महाराष्ट्र साहित्य परिषद मंचर शाखेचे अध्यक्ष दत्त पायमोडे यांनी प्रास्ताविक केले. ज्ञानेश्वर धुमाळ यांनी आभार मानले.