मोरगाव, ता. २२ : भारत सरकारच्या माळेगाव खुर्द येथील भारतीय कृषी अनुसंधान परिषदेच्या राष्ट्रीय अजैविक स्ट्रेस प्रबंधन संस्था यांच्यामार्फत डी.ए.पी.एस.सी. हा कार्यक्रम मागासवर्गीयांचे जीवनमान उंचाविण्यासाठी राबविला जातो.
या कार्यक्रमांतर्गत मुढाळे या गावातील १३ लाभार्थ्यांना मोटर, पाण्याची टाकी, शिलाई मशिन, ताडपत्री, सायकल आदी वस्तूंचे वाटप केले. याकामी मुढाळे गावचे सरपंच जयपाल साळवे यांनी पुढाकार घेऊन पाठपुरावा केला होता.
संस्थेचे संचालक डॉ. के. सामी रेड्डी यांच्या मार्गदर्शनाखाली हा कार्यक्रम घेण्यात आला. याप्रसंगी डी.ए.पी.एस.सी. समितीचे अध्यक्ष डॉ. नितीन कुराडे, समितीचे सदस्य डॉ. अविनाश निर्मळे, डॉ. धनंजय नांगरे, डॉ. सचिन पवार, डॉ. विजयकुमार काकडे, संस्थेचे आदित्य वाघमारे, अजय कांबळे, मुढाळे गावचे सरपंच जयपाल साळवे, नवनाथ साळवे, प्रशांत साळवे, काजल साळवे, गौरी साळवे, सूरज गायकवाड, अतुल साळवे, दादासो सकाटे, विठ्ठल पोटे, उमेश सकाटे, सुनील साळवे, ताराचंद साळवे, सोमनाथ साळवे, निर्मला साळवे आदी उपस्थित होते. संस्थेने राबविलेला उपक्रम आणि या उपक्रमासाठी निवडलेले मुढाळे गाव, यामुळे सरपंच जयपाल साळवे यांनी संस्थेचे आभार मानले.