महाळुंगे पडवळ, ता. ११ : ठाकरवाडी (ता. आंबेगाव) येथे बिबट्याला जेरबंद करण्यासाठी गुरुवारी (ता. ११) सांयकाळी वनविभागाने पिंजरा लावला आहे. या परिसरात बिबट्याकडून वारंवार हल्ले होत असल्याने ग्रामस्थ त्रस्त झाले होते. गेल्या महिन्यात याच वस्तीवर एक बिबट्या जेरबंद झाला होता.
चास आणि ठाकरवाडी ग्रामपंचायतीच्या हद्दीवर नागरिकांना वारंवार बिबट्याचे दर्शन होत आहे. पाळीव कुत्री बिबट्याने नष्ट केली आहेत. गणेशवाडी येथील शेतकरी पांडुरंग राधू हुले यांचे सहा महिन्याचे एचएफ जातीच्या कालवडीवर बिबट्याने हल्ला करून ठार केले आहे. वनविभागाला माहिती मिळाल्यानंतर वनरक्षक रईस मोमीन यांनी घटनास्थळी भेट देऊन पाहणी केली आहे. बिबट्याला जेरबंद करण्यासाठी वनविभागाने तातडीने पिंजरा लावण्याची मागणी पुणे जिल्हा परिषदेच्या माजी सदस्या तुलसी भोर, सरपंच अर्चना दौलत बारवे आणि ग्रामस्थांनी मागणी केली होती.
बिबट्याला जेरबंद करण्यासाठी वनविभागाने गुरुवारी पांडुरंग हुले यांच्या गोठ्याजवळ पिंजरा लावला आहे. यावेळी तुळशीराम चासकर, अशोक चासकर, शिवाजी बारवे, जगन चासकर, रवींद्र चासकर यांनी पिंजरा लावण्यासाठी मदत केली.
03502
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.