हिर्डोशी, ता. २५ : उत्रौली (ता. भोर) येथील श्री सोनारसिद्ध भैरवनाथ विविध कार्यकारी सेवा सहकारी सोसायटीच्या अध्यक्षपदी शरद शिवतरे व उपाध्यक्षपदी लक्ष्मण शिवतरे यांची बिनविरोध निवड करण्यात आली. सचिन शिवतरे यांनी अध्यक्षपदाचा आणि लक्ष्मण शिवतरे यांनी उपाध्यक्ष पदाचा राजीनामा दिल्याने ही निवडणूक पार पडली. दरम्यान, गुरुवारी (ता. २४) झालेल्या निवडणुकीत शरद शिवतरे व लक्ष्मण शिवतरे यांचे अध्यक्ष आणि उपाध्यक्ष पदासाठी एकमेव अर्ज आल्याने त्यांची बिनविरोध निवड झाली. निवडणूक निर्णय अधिकारी म्हणून संजय पवार यांनी काम पाहिले. जिल्हा परिषदेचे माजी उपाध्यक्ष रणजित शिवतरे यांच्या मार्गदर्शनाखाली ही निवडणूक बिनविरोध झाली. यावेळी आबुराव शेटे, सचिन शिवतरे, लक्ष्मण शिवतरे, चंद्रकांत शिवतरे, मारुती भोईटे, सविता शेटे, शारदा शिंदे, ग्रामदेवता ट्रस्टचे अध्यक्ष अतुल शिवतरे आदी उपस्थित होते.