महुडे, ता. १७ : नांद (ता. भोर) ग्रामपंचायतीच्या मंगळवारी (ता. १६) झालेल्या विशेष ग्रामसभेत दिव्यांग कल्याण निधीतून दिव्यांग लाभार्थ्यांना पाच टक्के निधीचे वाटप करण्यात आले.
प्रमाणपत्रधारक आठ दिव्यांगाना प्रत्येकी १६२७प्रमाणे एकूण १३ हजार १६ रुपयांचा निधी दिव्यांगांच्या बँक खात्यात वर्ग करण्यात आला. जागतिक अपंग दिनाचे औचित्य साधून ग्रामपंचायतीच्या वतीने दिव्यांगांचा शाल श्रीफळ देऊन सत्कार करण्यात आला. प्रहार दिव्यांग संघटनेचे अध्यक्ष बापू कुडले, संपर्क प्रमुख भानुदास दुधाणे व राजकुमार मोरे यांनी मनोगत व्यक्त केले. तर कृषी विभागाकडून विविध योजनांची माहिती देण्यात आली. यावेळी सरपंच सारिका दुधाणे, ग्रामविकास अधिकारी विशाल अनंतकर, योगेश गोळे, कुशाबा दुधाणे, दत्तात्रेय गोळे, कोंडीबा वाटकर, राजाराम गोळे, धर्माजी नवघणे, पांडुरंग सणस, एकनाथ दुधाणे, काशिनाथ दुधाणे उपस्थित होते.