महुडे, ता. २२ : नांद व घेवडेश्वर (ता. भोर) येथील गरजू महिला व नागरिकांना सासवड (ता. पुरंदर) येथील स्व. एकनाथ काका जगताप प्रतिष्ठानमार्फत १५० अन्नधान्य किट व कपड्याचे रविवारी (ता. २१) वाटप करण्यात आले.
नांद येथील अनिल रामचंद्र गोळे व ब्राम्हणघर हिमा येथील सुदाम श्रीरंग बांदल यांच्या पुढाकाराने सामाजिक बांधिलकी जपण्याच्या हेतूने या वाटपाचे आयोजन केले होते. यामध्ये नांद येथे ११८, तर घेवडेश्वर येथे ३२ अन्नधान्य किट व स्वेटर, साडी आदी कपड्यांचे वाटप केले. यावेळी नवनाथ गोळे, रमेश दुधाणे, संदीप दुधाणे, रवी दुधाणे, अनिकेत गोळे, नितीन दुधाणे, ज्येष्ठ ग्रामस्थ व लाभार्थी उपस्थित होते. या कार्यक्रमास ग्रामपंचायत नांद व तरुण वर्गाचे सहकार्य लाभले. प्रत्येक महिन्यात तालुक्यातील ग्रामीण भागातील गरजूंना अन्नधान्य किट व कपड्यांचे वाटप करण्यात येणार असल्याचे आयोजकांनी सांगितले.

02905