नारायणगाव : कला, वाणिज्य व विज्ञान महाविद्यालयात आंतरराष्ट्रीय योगदिन साजरा करण्यात आला. प्रा. सचिन काशिद, प्रा.पूजा वाव्हळ, प्रा. योगतज्ञ अंजली पारगावकर यांच्या मार्गदर्शनाखाली पादहस्तासन, भुजंगासन, दंडासन, बंदरासन, अर्धवृष्टासन, वृष्टासन, शशांकासन, मंडूकासन, मकरासन, सेतुबद्धासन, उत्तानपादासन, अर्धहलासन, शवासन, अर्धचक्रासन, ताडासन, वज्रासन, वृक्षासन, शलभासन, पवनमुक्तासन, भद्रासन, त्रिकोणासन, वक्रासन आदी प्रात्यक्षिके सादर करण्यात आली. यामध्ये विद्यार्थी छात्र सैनिक व महाविद्यालयाच्या प्राध्यापकांनी सहभाग घेतला, अशी माहिती प्राचार्य डॉ. आनंद कुलकर्णी यांनी दिली.कार्यक्रमाचे नियोजन छात्र सेना प्रमुख कॅप्टन डॉ. दिलीप शिवणे,राष्ट्रीय सेवा योजनेचे कार्यक्रम अधिकारी सुभाष कुडेकर,डॉ.विनय कुटे, प्रा.ओमकार मेहेर यांनी केले. या वेळी ग्रामोन्नती मंडळाचे कार्याध्यक्ष अनिल मेहेर,अध्यक्ष सुजित खैरे कार्यवाह रवींद्र पारगावकर आदी उपस्थित होते.

06755