नारायणगाव, ता.१० : गांजा विक्रीसाठी नारायणगाव येथे आलेल्या कोतुळ (ता.अकोले) येथील व्यक्तीस स्थानिक गुन्हे शाखा पथकाने अटक केली. आरोपीकडून १० किलो २७५ ग्रॅम गांजा व मोटार सायकल असा एकूण एक लाख ३२ बत्तीस हजार ५०० रुपयांचा मुद्देमाल जप्त करण्यात आला आहे.
याप्रकरणी मुनवर अली सय्यद (वय ४८ रा.कोतुळ ता.अकोले) याला अटक केली आहे, अशी माहिती स्थानिक गुन्हे शाखेचे वरिष्ठ पोलिस निरीक्षक अविनाश शिळीमकर यांनी दिली. आरोपी गांजा विक्री करण्यासाठी येणार असल्याची माहिती स्थानिक गुन्हे शाखेला मिळाली होती.
स्थानिक गुन्हे शाखा पथकातील सहाय्यक फौजदार दीपक साबळे, हवालदार संदीप वारे, अक्षय नवले, राजू मोमीन, नारायणगाव पोलिस ठाण्याचे सहाय्यक पोलिस निरीक्षक महादेव शेलार, हवालदार मंगेश लोखंडे, फौजदार सोमशेखर शेटे, दडस पाटील, सोमनाथ डोके, सत्यम केळकर हे आरोपीच्या मागावर होते. शनिवारी रात्री साडेसात वाजण्याच्या सुमारास नारायणगाव मांजरवाडी रस्त्यावर स्थानिक गुन्हे शाखा पथकाने आरोपीला ताब्यात घेतले. त्याच्या मोटर सायकलवर बांधलेल्या गोणीची तपासणी केली. यावेळी गोणीत एक लाख २५ हजार रुपये किमतीचा १० किलो २७५ ग्रॅम वजनाचा गांजा आढळून आला.

07020