नसरापूर, ता. २३ : नसरापूर (ता. भोर) व्यापारी असोसिएशनची नवी कार्यकारिणी जाहीर झाली असून अध्यक्षपदी ओंकार फूड मॉलचे अजिंक्य हाडके तर उपाध्यक्षपदी काजळे ज्वेलर्सचे अमोल काजळे यांची निवड झाली आहे.
नसरापूर व्यापारी असोसिएशनची बैठक शुक्रवारी (ता. २०) पार पडली. या बैठकी पुढील दोन वर्षासाठी नविन कार्यकारणीची निवड सर्वानुमते केली. या नविन कार्यकारिणीमध्ये अध्यक्षपदी अजिंक्य हाडके, उपाध्यक्षपदी अमोल काजळे, सचिवपदी अमित ठोंबरे, खजिनदारपदी भरत ठोंबरे, यांची तर कार्यकारिणी सदस्यपदी संकेत हाडके, पितांबर शेटे, वैभव कांबळे, मोहसीन शेख, गजानन कदम, महेश जगताप, महेश वनारसे, प्रवीण शेटे, संतोष सणस, वैशाली झोरे, कविता हाडके, स्मिता विभूते यांची निवड सर्वानुमते केली.
यावेळी बैठकीस मावळते अध्यक्ष अनिल गयावळ, कार्याध्यक्ष प्रदिप राशीनकर, मार्गदर्शक यशवंत कदम, माजी सरपंच भरत शेटे, विक्रम कदम, वैभव भुतकर, विजय जंगम, राजेश कदम, ज्ञानेश्‍वर झोरे, धनंजय जंगम, सफल कुपवाड, साहिल कांबळे आदी उपस्थित होते. यावेळी सर्व नवनिर्वाचित कार्यकारिणीचा तसेच मावळत्या कार्यकारिणीचा ज्येष्ठांच्या हस्ते सन्मान केला.