नसरापूर, ता. २० : भोर तालुक्यात तालुक्यातील एका गावातील अल्पवयीन मुलीवर दोन तरुणांनी वारंवार लैंगिक अत्याचार केल्याची धक्कादायक घटना घडली आहे. या प्रकरणी राजगड पोलिस ठाण्यात पोक्सो, तसेच विविध कलमान्वये गुन्हा दाखल केला आहे.
या प्रकरणी महेश अरुण रसाळ आणि राज सुनील तिखोळे अशा दोन जणांना अटक केली आहे. त्यांनी नोव्हेंबर २०२४ ते फेब्रुवारी २०२५ या काळात पीडित मुलीवर वेगवेगळ्या ठिकाणी जबरदस्तीने अत्याचार केले. महेश याने ट्रॅक्टर शिकविण्याच्या बहाण्याने शेतातच वारंवार बलात्कार केला. तर, राज याने गावामध्येच मोटारीमध्ये आणि नंतर घरात शिरून पीडितेवर अत्याचार केल्याचे फिर्यादीत नमूद आहे.
दरम्यान, या अल्पवयीन मुलीस तब्येतीचा त्रास जाणवू लागल्याने तीला रुग्णालयात दाखल केले असता ती सात महिन्यांची गरोदर असल्याचे स्पष्ट झाले. त्यानंतर हा प्रकार उघड झाला. या घटनेबाबतचा अधिक तपास राजगड पोलिस करत आहेत.