निरगुडसर, ता. २७ : मजुरीचे पैसे मागितल्याच्या कारणावरून निरगुडसर (ता. आंबेगाव) येथील थोरात मळ्यात अशोक पवार आणि त्याची आई वाल्हाबाई पवार यांना शिवीगाळ, दमदाटी करून मारहाण केल्याप्रकरणी निरगुडसर येथील संतोष बांबळे यावर पारगाव पोलिसांनी गुन्हा दाखल केला आहे. ही घटना मंगळवारी (ता. २३) घडली.
पारगाव पोलिसांनी दिलेल्या माहितीनुसार, निरगुडसर येथील फिर्यादी अशोक दौलत पवार व त्यांच्या आई वाल्हाबाई पवार यांना मजुरीचे पैसे मागितल्याच्या कारणावरून शिवीगाळ, दमदाटी केली. फिर्यादीच्या आईला वीट फेकून मारली, परंतु वीट फिर्यादीच्या आईला लागली नाही. परंतु आरोपी याने फिर्यादीस लोखंडी टॉमीने डाव्या हाताच्या मनगटावर व उजव्या हाताच्या दंडावर मारहाण करून दुखापत केली. याप्रकरणी निरगुडसर येथील अशोक दौलत पवार यांनी पारगाव पोलिस ठाण्यात फिर्याद दिली.