नीरा नरसिंहपूर, ता. २१ : सराटी (ता. इंदापूर) येथे उपजिल्हा रुग्णालय इंदापूर व ग्रामीण रुग्णालय बावडा यांच्या सहकार्याने मोफत आरोग्य तपासणी शिबिर घेण्यात आले. या शिबिरामध्ये विविध तपासण्या करून मोफत औषधोपचार करण्यात आले. तसेच, डोळे तपासणी करून अल्प दरात चष्मे वाटपही करण्यात आले. त्याचप्रमाणे आयुष्यमान भारत कार्डची नोंदणी करण्यात आली. या शिबिराचा ३३५ नागरिकांनी लाभ घेतला. शिबिर यशस्वितेसाठी पुणे जिल्हा राष्ट्रवादी युवक काँग्रेसचे उपाध्यक्ष अण्णासाहेब कोकाटे व अजितदादा पवार विचारमंचचे कार्यकर्ते, आशासेविका, आरोग्य सेवक, अंगणवाडी सेविका यांनी सहकार्य केले. यावेळी बाळासाहेब कोकाटे, समीर तांबोळी, तानाजी कोकाटे आदी उपस्थित होते. या शिबिरात रक्तगट तपासणी १४६, रक्त तपासणी ४६, रक्तदाब तपासणी १०२, शुगर तपासणी ७६, डोळे तपासणी ८१, ईसीजी ३०, गरोदर माता ९, आयुष्मान कार्ड ७६ असे ३३५ तपासणी करण्यात आली.