नीरा नरसिंहपूर, ता. २६ ः नीरा नरसिंहपूर (ता. इंदापूर) येथे स्वतंत्र पोलिस ठाण्याचे काम सुरू झाले आहे. यावेळी प्रभारी सहाय्यक पोलिस निरीक्षक गजानन चेके यांनी पदभार स्विकारला.
मुख्यमंत्री देवेंद्र फडणवीस तसेच कृषिमंत्री दत्तात्रेय भरणे यांच्या प्रयत्नातून येथील पोलिस ठाणे कार्यान्वित झाले आहे. पोलिस ठाण्याचे काम सुरू होताच उपविभागीय पोलिस अधिकारी सुदर्शन राठोड यांनी नीरा नरसिंहपूर पोलिस ठाण्याचे प्रभारी सहाय्यक पोलिस निरीक्षक गजानन चेके यांना पदभार सोपवला. तसेच सहाय्यक फौजदार प्रकाश माने, सहाय्यक फौजदार भरत जाधव, पोलिस हवालदार जगन्नाथ कळसाईत, किरण चंदनशिवे, महेश गोसावी, महिला पोलिस कॉन्स्टेबल रेश्मा जगताप, पोलिस कॉन्स्टेबल प्रशांत सलगर, आरिफ सय्यद, शनिदेव कांबळे, समाधान अहिवळे आदी अधिकारी व कर्मचारी यांचीही पोलिस ठाण्यात नियुक्ती करण्यात आली. तसेच नरसिंहपूरच्या वतीने नितीन सरवदे, अण्णा काळे, माजी उपसरपंच नरहरी काळे, जगदीश सुतार, तंटामुक्ती अध्यक्ष दशरथ राऊत, उपसरपंच गुरुदत्त गोसावी, संतोष मोरे, आनंद काकडे आदींच्या हस्ते सहाय्यक पोलिस निरीक्षक चेके व कर्मचाऱ्यांच्या सन्मान करण्यात आला.
याप्रसंगी लक्ष्मी नृसिंह देवस्थान ट्रस्टच्या वतीने विश्वस्त अभय वांकर यांनी डॉ सुदर्शन राठोड, प्रभारी सहाय्यक पोलिस निरीक्षक गजानन चेके, अधिकारी कर्मचाऱ्यांचा शाल, श्रीफळ देऊन सन्मान केला.