कवठे येमाई, ता. ३ : पुणे जिल्हा पदवीधर प्राथमिक शिक्षक व केंद्रप्रमुख संघटनेच्या जिल्हाध्यक्षपदी ॲड. युवराज थोरात यांची निवड झाली. तळेगाव ढमढेरे (ता. शिरूर) येथे पार पडलेल्या त्रैवार्षिक जिल्हा अधिवेशनात त्यांची निवड करण्यात आली.
तसेच, या अधिवेशनात शिक्षकांचे प्रश्न, संघटनेची वाढ व गुणवत्तापूर्ण शिक्षण याबाबत मार्गदर्शन करण्यात आले. प्रत्येक तालुक्यातील दोन गुणवंत शिक्षकांचा सन्मान करण्यात आला. याप्रसंगी विशेष जीवनगौरव पुरस्कार खेडचे नामदेव गायकवाड व शिरूरचे नाथू वीर यांना प्रदान केला. यावेळी राज्याध्यक्ष अनिल पलांडे, सरचिटणीस मनोज मराठे, कार्याध्यक्ष शिवाजी ठोंबरे, शांताराम नेहरे, आबा धुमाळ, गजानन पाटील आदी उपस्थित होते. तुषार वाटेकर यांनी सूत्रसंचालन, तर पोपटराव इंगवले यांनी स्वागत केले. कल्याण कोकाटे यांनी आभार मानले.
PAB25B01473