कोथरूड, ता. ४ : अखिल कोथरूड साहित्यरत्न अण्णा भाऊ साठे मित्र मंडळाच्या वतीने अण्णा भाऊ साठे यांच्या जयंतीनिमित्त कोथरूडमधील थोरात उद्यानासमोर रक्तदान शिबिर, मोफत डोळे तपासणी, चष्मेवाटप शिबिर आणि गरजू विद्यार्थ्यांना शालेय साहित्य वाटप असे विविध उपक्रम झाले. या उपक्रमात ३० रक्तपिशव्या संकलित करण्यात आल्या, तर १५० गरजू नागरिकांना मोफत चष्मे वाटप करण्यात आले. यासोबतच ३०० गरजू विद्यार्थ्यांना वह्यांचे वाटप करून शैक्षणिक मदत पुरवण्यात आली. कार्यक्रमाचे आयोजन किरण आढागळे, कार्याध्यक्ष सुनील रिठे, अध्यक्ष सुहास साठे, संतोष खुडे, यश मालविया, सुयेश कदम, रोहन झोंबाडे आदींनी केले होते.