फुलवडे ता. १३ : फुलवडे (ता. आंबेगाव) ग्रामपंचायत, ग्रामस्थ, लयभारी महिला ग्रुप व सह्याद्री आदिवासी नोकरदार मंडळ यांच्या संयुक्त विद्यमाने पंचक्रोशीतील महिलांचा बचत गट मार्गदर्शन मेळावा व महिला सन्मान सोहळा शनिवारी (ता. १५) कळमजाई मंदिर पटांगणात होणार आहे.
या कार्यक्रमासाठी आंबेगाव पंचायत समिती मधील सहाय्यक गटविकास अधिकारी अर्चना कोल्हे, सामाजिक कार्यकर्ते डॉ. अमोल वाघमारे व विजया जोशी महिलांना मार्गदर्शन करणार आहेत. त्याप्रमाणे महिलांसाठी खेळांच्या स्पर्धा आयोजित केल्या आहेत. विजेत्यांना आकर्षक बक्षिसांसह भेटवस्तू देण्यात येणार आहे. तरी फुलवडे व परिसरातील सर्व महिला व बचत गटांनी या कार्यक्रमाचा लाभ घ्यावा, असे आवाहन लयभारी महिला ग्रुपच्या अध्यक्षा राजश्री मोहरे यांनी केले आहे.