फुलवडे, ता. २८ : तिरपाड (ता. आंबेगाव) येथील ग्रामीण रुग्णालयात शाश्वत संस्था मंचर यांच्याकडून ‘परसबाग, पोषण बागेचे’ या एकदिवसीय कार्यशाळेचे आयोजन करण्यात आले होते, अशी माहिती शाश्वत संस्थेच्या विश्वस्त प्रतिभा तांबे यांनी दिली. कार्यशाळेत ९५ महिलांनी सहभाग घेतला होता.
या महिलांना कृषी विज्ञान केंद्र नारायणगाव, पुणे येथील गृह विज्ञान विषय तज्ञ निवेदिता शेटे यांनी मार्गदर्शन केले. त्यामध्ये त्यांनी परसबागेची गरज, परस बागेतील विविध फळभाज्या, पालेभाज्या, वेलवर्गीय भाज्या, शेंगभाजी, परदेशी भाज्या, औषधी भाज्या, कंदमुळे आदींची माहिती दिली. तसेच या कार्यक्रमासाठी प्राज प्रतिबंधात्मक आरोग्य प्रकल्पातून आर्थिक साहाय्य मिळाले असल्याचे तांबे यांनी सांगितले. यावेळी शाश्वत संस्थेतर्फे विश्वस्त सुलोचना गवारी, प्रकल्प समन्वयक शांताराम गुंजाळ आदी उपस्थित होते.