फुलवडे, ता. ६ : फुलवडे (ता. आंबेगाव) येथील भगतवाडीत असलेल्या श्री औदुंबरेश्वर मंदिरात यंदा ७५वा अमृत महोत्सवी अखंड हरिनाम सप्ताह श्रीमद् भागवत कथा व ज्ञानेश्वरी पारायण सोहळा रविवार (ता. ७) ते बुधवार (ता. १७) या दरम्यान होणार आहे.
पहाटे ४ ते ६ काकडा आरती, ८ ते ११ ज्ञानेश्वरी पारायण, १ ते २ ज्ञानेश्वरी पारायण, २ ते ५ भजन, सायंकाळी ५ ते ६ प्रवचन, ६ ते ७ हरिपाठ, रात्री ९ ते ११ हरिकीर्तन व त्यानंतर जागर अशी सोहळ्याची रूपरेषा आहे.
या दरम्यान अनुक्रमे तान्हाजी महाराज सावंत, नाथा महाराज भटकळ, किसन महाराज धंद्रे, ज्ञानेश महाराज फलके, नरहरी महाराज सांगळे, राजेंद्र महाराज सदगीर, मारुती महाराज अनंत, अशोक महाराज शिंदे, वैभव महाराज राक्षे, चंद्रकांत महाराज खळेकर, श्रीपत महाराज कुडेकर यांची कीर्तने होणार आहेत.
मंगळवार (ता. १६) मंगलपूजा व श्रीमद्‍भागवत कथा समाप्ती महंत पीर बालयोगी गणेशनाथजी महाराज यांच्या उपस्थितीत होणार आहे, तसेच दीपोत्सव रात्री ७ ते ८ पांडुरंग महाराज येवले, मनोहर महाराज गवारी, संभाजी महाराज पारधी यांच्या उपस्थितीत साजरा होणार आहे. सप्ताहाचे आयोजन श्री औदुंबरेश्वर धर्मफंड मंडळ मुंबई व पुणे, समस्त ग्रामस्थ मंडळी फुलवडे यांनी केले आहे.