इंदापूर, ता. ६ ः जिल्हास्तरीय ज्युदो स्पर्धेत इंदापूरच्या खेळाडूंनी यश प्राप्त केले आहे. त्यांची विभागीय स्पर्धेसाठी निवड झाली आहे. क्रीडा व युवा संचालनालय कार्यालय आयोजित शालेय जिल्हास्तरीय ज्युदो स्पर्धा पुणे येथे झाल्या. यामध्ये इंदापूर तालुक्यातील विविध शाळांमधील खेळाडूंच्या माध्यमातून प्रतिनिधित्व करणाऱ्या इंदापूर तालुका ज्युदो कराटे स्पोर्ट अकॅडमी व शहा हेल्थ क्लबच्या खेळाडूंनी पुणे जिल्ह्यात वर्चस्व राखले.
यामध्ये ओम धोत्रे, अथर्व मोरे, शिवानी सूर्यवंशी, सुकन्या जाधव, शुभश्री पोतदार, वैष्णवी वाघमोडे, अजिंक्य नरूटे, विशाल गडदे, अजित व्यवहारे, रोहित शिंदे, पांडुरंग बोडके यांनी प्रथम क्रमांक मिळवित सुवर्ण पदक पटकाविले. तर यशश्री पोतदार, तृप्ती कोळेकर, जानवी डोंगरे, आरोही जेडगे, यशिता शिंदे, आदित्य शिंदे, अनिकेत देवकर, आयुष बळगानुरे यांनी द्वितीय क्रमांक पटकावला.
संस्थेचे संस्थापक अध्यक्ष व महाराष्ट्र कुराश असोसिएशनचे सचिव दत्तात्रय व्यवहारे, श्री. नारायणदास रामदास चॅरिटेबल ट्रस्टचे विश्वस्त भरत शहा, मुकुंद शहा, शहा ग्लोबल स्कूलचे संचालक अंगद शहा, जयश्री व्यवहारे व संस्थेचे प्रशिक्षक अनिकेत व्यवहारे, सुनील जाधव यांनी सर्व विजय खेळाडूंचे अभिनंदन करून पुढील स्पर्धेसाठी शुभेच्छा दिल्या.

फोटो ः 6422