इंन्ट्रो
पुणे, ता. १ : जिल्ह्यातील बारामती, फुरसुंगी-उरुळी देवाची नगरपरिषद सोडून जुन्नर, राजगुरुनगर, चाकण, आळंदी, शिरूर, भोर, जेजुरी, तळेगाव दाभाडे या संपूर्ण नगरपरिषदा माळेगाव, आंबेगाव, वडगाव मावळ या तीन नगरपंचायती तर सासवड, दौंड, तळेगाव दाभाडे नगरपरिषदांमधील काही प्रभाग वगळून उर्वरित प्रभागांसाठी मंगळवारी (ता. २) लोकशाहीचा हक्क बजावता येणार आहे. सकाळी ७.३० ते सायंकाळी ५.३० पर्यंत मतदारास आपला हक्क बजावता येणार आहे. या निवडणुकीसाठी प्रशासकीय यंत्रणा सज्ज झाली असून जिल्ह्यात मंगळवारी ‘लोक’शाहीचा उत्सव साजरा होणार आहे.