हिर्डोशी, ता. २९ : भोरमधील उपजिल्हा रुग्णालय, रामबाग भोर येथे ३० जून व नसरापूर (ता. भोर) येथील प्राथमिक आरोग्य केंद्र येथे १ जुलै रोजी सकाळी ९ ते ३ या वेळेत मोफत कर्करोग निदान शिबिराचे आयोजन केले आहे. भोर शहर व‌ परिसरातील नागरिकांनी या शिबिराचा लाभ घ्यावा, असे आवाहन भोर उपजिल्हा रुग्णालयाचे वैद्यकीय अधीक्षक डॉ आनंद साबणे यांनी केले.
या शिबिरामध्ये तोंडाचा कर्करोग, स्तनाचा कर्करोग, गर्भाशयाच्या तोंडाचा कर्करोग या संबंधीच्या तपासण्या करण्यात येणार आहेत. या शिबिरासाठी संबंधित आजाराविषयीचे तज्ज्ञ डॉक्टर उपलब्ध राहून तपासणी व मार्गदर्शन करणार असल्याचे डॉ. साबणे यांनी सांगितले.