पुणे, ता. १८ : अभिनव इंग्लिश मीडियम स्कूल, जयहिंद हायस्कूल आणि सिंहगड स्प्रिंगडेल पब्लिक स्कूल संघांनी मंगळवारी (ता.१८) आपापल्या प्रतिस्पर्ध्यांवर दणदणीत विजय मिळविला. तसेच पूनावाला फिनकॉर्प प्रस्तुत सकाळ स्कूलिंपिक्समध्ये मुलींच्या क्रिकेट स्पर्धेत विजयी सलामी दिली.
कोद्रे फार्म्स मैदानावर ही स्पर्धा सुरू झाली. या स्पर्धेत एरंडवणे येथील अभिनव इंग्लिश मीडियम स्कूलने आर्यन्स वर्ल्ड हायस्कूलचा दहा गडी राखून धुव्वा उडविला. तर वैष्णवी सिंगच्या १३ चेंडूंतील ३० धावांच्या बळावर वारजे येथील जयहिंद हायस्कूलने पाषाण येथील लोकसेवा हायस्कूलवर ७६ धावांनी विजय मिळविला. वडगाव येथील सिंहगड स्प्रिंगडेल पब्लिक स्कूल संघाने बाणेर येथील सी. एम. इंटरनॅशनल संघाला ५१ धावांनी पराभूत केले.

संक्षिप्त धावफलक
अभिनव इंग्लिश मीडियम स्कूल ः ३.५ षटकांत बिनबाद ४२ - (राजेश्वरी मुदलियार नाबाद ८, वेदिका बेडेकर नाबाद ३, अवांतर धावा ३१) वि.वि. आर्यन्स वर्ल्ड हायस्कूल ः ८ षटकांत १ बाद ४१ (तन्मयी परदेशी ८, अवांतर धावा ३०) सामन्याची मानकरी ः वेदिका बेडेकर.
जयहिंद हायस्कूल ः ८ षटकांत ३ बाद १०२ - (वैष्णवी सिंग ३०, शर्वरी खिल्लारी ११, अवांतर धावा ५६, स्वरा बनकर १-२२) वि.वि. लोकसेवा हायस्कूल ः ८ षटकांत ५ बाद २६ (स्वरा बनकर नाबाद ८, वैभवी यादव १-३, वैष्णवी सिंग १-५) सामन्याची मानकरी ः वैष्णवी सिंग.
सिंहगड स्प्रिंगडेल स्कूल ः ८ षटकांत ३ बाद ९२ - (सई जोंधळे ३४, स्वास्ती आंबेकर ६, अवांतर धावा ४४, तन्वी पाटील १-१४) वि.वि. सी. एम. इंटरनॅशनल स्कूल ः ८ षटकांत ३ बाद ४१ - (ओवी भोसले ४, अवांतर धावा ३६, क्रिष्णा भिसे १-३, आरोही थोरात १-१२) सामन्याची मानकरी ः सई जोंधळे.