पिरंगुट, ता. २२ : मुळशी तालुक्यात गेले दोन दिवस पावसाने काही प्रमाणात उघडीप दिली आहे. त्यामुळे शेतीच्या कामांना वेग आला आहे. तालुक्यातील पश्चिम पट्ट्यात असलेल्या मोसे खोऱ्यास भातशेती कोठार समजले जाते. या भागात भात हेच मुख्य पीक असून इंद्रायणी वाणाला प्राधान्य दिले जाते. या भागातील भात लागवडीसाठी नांगरणीसारख्या मशागतीच्या कामांना वेग आला आहे. आडमाळ येथील शेतकरी नामदेव पासलकर म्हणाले , " गेल्या दोन दिवसांपासून आमच्या भागात पावसाने उघडीप दिली आहे. त्यामुळे हीच संधी साधून शेताची नांगरणी करीत आहोत. पाऊस पुन्हा सुरू होताच लागवडीला सुरवात करणार आहे. "

04497