राहू, ता. १८ : प्राथमिक आरोग्य केंद्र राहू (ता. दौंड) येथे आयोजित ‘स्वस्थ नारी सशक्त भारत’ उपक्रमाला महिलांचा उत्स्फूर्त प्रतिसाद मिळाला. तसेच राहू, पिंपळगाव, पाटेठाण, कोरेगाव भिवर, मिरवडी, वडगाव बांडे या उपकेंद्रांमध्ये अभियान सुरू झाले. महिलांनी आरोग्य तपासणी करून घ्यावी, असे आवाहन प्राथमिक आरोग्य केंद्राच्या वैद्यकीय अधिकारी डॉ. पूजा चिंचोलेकर- कोकरे यांनी केले.
हा नावीन्यपूर्ण उपक्रम असून पुणे जिल्ह्यात १७ सप्टेंबर ते २ ऑक्टोबर २०२५ या कालावधीमध्ये राबविण्यात येणार आहे. या मोहिमेत महिलांच्या साखर, क्षयरोग, तसेच विविध आजारांवर मोफत तपासणी, औषध उपचार करून आरोग्य समुपदेशन करण्यात आले. याप्रसंगी माजी सरपंच दिलीप देशमुख, तालुका आरोग्य अधिकारी उज्ज्वला जाधव, डॉ. आकाश कोकरे, डॉ. सुमीत रोकडे, डॉ. प्रशांत चव्हाण, आशा सेविका कविता थोरात, कुमोदिनी कदम आदींचे या उपक्रमाला सहकार्य लाभले.
महिला आपल्या आरोग्याकडे दुर्लक्ष करतात. त्या नेहमी अंगावरती दुखणे काढतात. महिलांनी कोणतेही आजार लपवू नये. आपल्या लाखमोलाच्या शरीराकडे दुर्लक्ष करू नका. डॉक्टरांचा वेळोवेळी सल्ला घ्यावा. जास्तीत जास्त महिलांनी या उपक्रमात सहभागी व्हावे.
- डॉ. पूजा चिंचोलेकर- कोकरे, वैद्यकीय अधिकारी.
03293
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.