राहू, ता. ५ : लडकतवाडी (ता. दौंड) येथील भैरवनाथ विविध कार्यकारी सेवा सोसायटीच्या अध्यक्षपदी रमेश मुरलीधर लडकत यांची तर उपाध्यक्षपदी रमेश नारायण लडकत यांची बिनविरोध निवड झाली, अशी माहिती निवडणूक निर्णय अधिकारी सूरज शिंदे, सोसायटीचे सचिव गणेश पाडळे, सहसचिव दादासाहेब विश्वासे यांनी दिली.
संदीप बबन लडकत यांनी अध्यक्षपदाचा तर बाळासाहेब लडकत यांनी उपाध्यक्षपदाचा राजीनामा दिल्याने निवडणूक झाली होती. याप्रसंगी पंचायत समितीचे माजी सदस्य, ज्येष्ठ नेते उद्धव फुले, पिंपळगाव सोसायटीचे अध्यक्ष विशाल चव्हाण, दत्तात्रेय लडकत, शांताराम बधे, मंगेश लडकत, गणेश लडकत आदी उपस्थित होते.