राजगुरुनगर, ता. ३० : अतिवृष्टीग्रस्त शेतकऱ्यांविषयी कृतज्ञता म्हणून राजगुरुनगर (ता. खेड) येथील जाणीव जागृती मंच आणि खेड तालुका ज्येष्ठ नागरिक संघाकडून सकाळ रिलीफ फंडाला मदत देण्यात आली.
राजगुरुनगर जाणीव जागृती मंचाकडून सकाळ फंडाला २५ हजार रुपयांचा धनादेश देण्यात आला. ‘सकाळ’चे बातमीदार राजेंद्र सांडभोर यांनी तो स्वीकारला. यावेळी मंचाचे अध्यक्ष प्रा. विठ्ठल भोर, सचिव मुरलीधर थिगळे, उपाध्यक्ष सुनील मांजरे, सहसचिव सतीश चांभारे, ऊर्मिला सांडभोर, दत्तात्रेय मांजरे, शंकरराव बोरसे, अशोक डोंगरे, काळूराम सांडभोर, विजय रामकर, गोपाळ थिगळे, शिवाजी वाळुंज, दिलीप चव्हाण, मधुकर खेडकर, ज्ञानेश्वर घोडके, सुरेश तिटकारे आदी उपस्थित होते.
तसेच, खेड तालुका ज्येष्ठ नागरिक संघाकडून १५ हजार रुपयांचा धनादेश देण्यात आला. तो ‘सकाळ’चे जाहिरात व्यवस्थापक संतोष पोटे यांनी स्वीकारला. यावेळी संघाचे अध्यक्ष मधुकर खेडकर, उपाध्यक्ष बाळासाहेब गवते, सचिव एकनाथ वाळुंज, खजिनदार अनंत भालेकर, सदस्य अनिल सांडभोर, शंकरराव गाढवे, रवींद्र काळे आदी उपस्थित होते.