राजेगाव, ता.१७ : खडकी (ता. दौंड) येथे डॉ. शरदचंद्र पवार कृषी महाविद्यालय बारामतीच्या विद्यार्थिनींनी ग्रामीण कृषी कार्यानुभव कार्यक्रम अंतर्गत शेतकरी प्रशिक्षण शिबिराचे आयोजन केले होते.
कृषी विद्यालयामार्फत चतुर्थ वर्षाच्या विद्यार्थ्यांचा रावे कार्यक्रम घेण्यात येत असतो. हा कार्यक्रम हा कृषी पदवीच्या अभ्यासक्रमाचा एक महत्त्वाचा भाग असून, या कार्यक्रमांतर्गत पुढील दोन महिने हे विद्यार्थी गावामध्ये मुक्काम करून विविध कृषी विषयक कार्यक्रम राबवणार आहेत. कृषी महाविद्यालयाचे कार्यक्रम अधिकारी प्रा.एस पी गायकवाड व प्रा. एस व्ही बुरुंगले यांच्या मार्गदर्शनाखाली या पथकामध्ये श्रद्धा बोधे, संजना कळसकर, श्वेता दुधाणे, अनुष्का घनवट, सानिका ओवाळे, किरण काटकर, सोनम तिडके या विद्यार्थिनींचा समावेश आहे.
यावेळी सरपंच उज्ज्वला महादेव कुचेकर यांनी विद्यार्थिनींचे स्वागत केले. यावेळी उपस्थित पदाधिकारी व शेतकऱ्यांना फळांचे रोपे देण्यात आली. सहाय्यक कृषी अधिकारी अतुल होले, रघुनाथ काळे, किरण काळे, सुमीत शिंदे, संदीप काळे व इतर शेतकरी उपस्थित होते.