राजेगाव, ता. ३० : जिल्ह्यात अनेक ठिकाणी पारंपरिक पद्धतीने उत्साहात साजरा केला असला तरी राजेगाव परिसरात काही मोजक्याच बैलजोड्यांचा बैलपोळा साजरा केला गेला. राजेगावसारख्या मोठ्या गावात आता फक्त १५-२० च बैलजोड्या असल्याचे सांगण्यात आले. शेतीच्या कामाव्यतिरिक्त अलीकडच्या काळात छंद म्हणून बैलगाडी शर्यतसाठीचे बैलही काही शेतकऱ्यांनी पाळले आहेत.
चावड चावड चांगभले, पाऊस आला चलभले असं म्हणत बैलांना दोन शेतकऱ्यांनी प्रदक्षिणा घातल्या. पोळा झाला की पाऊस होतो भोळा म्हणजे पाऊस उघडतो अशी शेतकऱ्यांची धारणा आहे. अनेक गावांमध्ये पोळ्याला शर्यतींचे आयोजन करण्यात येते.