राजेगाव, ता.१७ : रावणगाव (ता. दौंड) परिसरातील शेतकरी मोठ्या प्रमाणात ‘नगदी पीक’ म्हणून खरीप आणि रब्बी या दोन्ही हंगामात ‘मका’ पिकास प्राधान्य देऊ लागले आहेत. कमी कालावधीत अधिक उत्पादन तसेच अंतर्गत मशागतीचा कमी खर्च यामुळे दौंड तालुक्याच्या पूर्व भागातील अनेक गावांमध्ये ‘मका’ पिकाचे पेरणी क्षेत्र दिवसेंदिवस वाढतच चालले आहे.
यंदा समाधानकारक पाऊसमान तसेच सिंचनासाठी पुरेसे पाणी उपलब्ध झाल्याने, दौंड तालुक्याच्या पूर्व भागातील रावणगाव, नंदादेवी, मळद परिसरात ‘मका’ पिकाची मोठ्या प्रमाणात पेरणी केली गेली. जनावरांच्या चाऱ्या सोबतच पशुखाद्य, पोल्ट्री व्यवसाय खाद्य, इथेनॉल निर्मिती यामुळे बाजारात वर्षभर ‘मका’ पिकाची मागणी टिकून आहे. लेअर पोल्ट्री फार्म व्यवसायासाठी खाद्य म्हणून वर्षभर ‘मका’ लागते.
खरीप हंगामात यंदा दौंड तालुक्यातील पूर्व भागात मोठ्या प्रमाणात मका पिकाचे उत्पादन झाल्याने बाजारभाव आजपर्यंत तरी दबावातच राहिले आहेत. तरीसुद्धा मागणी टिकून आहे. मात्र, रब्बी हंगामातील मकाच्या भावात बाबतीत उचल खाऊ शकते.
- ॲड. साहिल रांधवण, कृषीराज ॲग्रो, रावणगाव, ता.दौंड
यंदा तीन ते साडेतीन एकर क्षेत्रावर मका उत्पादन घेतले. हेक्टरी चार ते साडेचार टन असे समाधानकारक मका उत्पादन मिळाले. मागील वर्षी पेक्षा उत्पादन अधिक झाले. चांगल्या प्रतीचे बियाणे, खत, सिंचनासाठी पाणी यामुळे हे शक्य झाले.
-पद्माकर कांबळे, रावणगाव (युवा शेतकरी)
01487
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.