शिनोली, ता. ३ : जांभोरी (ता. आंबेगाव) येथील रस्त्याला भगदाड पडल्यामुळे वाहतूक ठप्प झाली होती. पावसामुळे या रस्त्याची मोठ्या प्रमाणात दुरवस्था झाली आहे. या रस्त्याने १२ वाडी वस्तीवरील, तसेच इतर नागरिक ये- जा करीत असतात. या रस्त्याला भगदाड पडल्यामुळे नागरिक, विद्यार्थ्यांची मोठी गैरसोय झाली होती.
सार्वजनिक बांधकाम विभागाने तात्पुरत्या स्वरूपात माती व मुरूम टाकून हा खड्डा बुजविला आहे. परंतु हा खड्डा पाण्यामुळे राहणार नाही. रस्ता हा पक्क्या स्वरूपात करावा, अशी मागणी स्थानिक नागरिकांनी केली आहे.
सार्वजनिक बांधकाम विभागाने तत्काळ खडी व मुरूम टाकून खड्डा बुजविला आहे. मात्र, खड्डा पक्क्या स्वरूपात करावा, अन्यथा राष्ट्रवादीचे पश्चिम विभागाचे युवानेते मारुती केंगले, लखन पारधी, गणेश केंगले, अरुण केंगले, माजी सरपंच सखूबाई केंगले, शिवराम केंगले, श्यामराव बांबळे, माजी सरपंच संजय केंगले, पोलिस पाटील नवनाथ केंगले, सोनाली पोटे, दत्ता गिरंगे, सरपंच सुनंदा पारधी, उपसरपंच बबन केंगले, सुनील गिरंगे आदींनी आंदोलनाचा इशारा दिला आहे.