शिर्सुफळ, ता. २० : शालेय शिक्षण क्रिडा विभाग व जिल्हा क्रीडा अधिकारी कार्यालय, पुणे आयोजित जिल्हास्तरीय शालेय बॉक्सिंग स्पर्धा नुकतीच पार पडली. या स्पर्धेत सावळ (ता. बारामती) येथील ज्ञानसागर गुरुकुल इंग्लिश मीडियम स्कूलच्या शिवराज कौले याने प्रथम क्रमांक पटकाविला.
त्याची पुढील होणाऱ्या विभागीय स्तरावरील स्पर्धेसाठी निवड झाली आहे. जिल्हास्तरीय स्पर्धेत प्रथम क्रमांक मिळवून विभागस्तरीय स्पर्धेसाठी निवड झालेले हे शिवराजचे सलग पाचवे वर्ष आहे. त्याच्या कामगिरीबद्दल त्याचे सर्व स्तरातून कौतुक होत आहे. या स्पर्धेसाठी आशिष डोईफोडे यांनी त्याला मार्गदर्शन केले. मेहनत, जिद्द आणि चिकाटीने मिळवलेल्या या यशामुळे ग्रामीण भागातील विद्यार्थ्यांनाही शिवराज प्रेरणास्थान ठरत असल्याचे संस्थापक अध्यक्ष डॉ. सागर आटोळे यांनी त्याचे अभिनंदन करताना सांगितले. ज्ञानसागर गुरुकुलचे सर्व पदाधिकारी, मुख्याध्यापक, शिक्षक शिक्षकेतर कर्मचारी यांच्यासह पालकांनी शिवराजचे कौतुक करून त्याला पुढील स्पर्धेसाठी शुभेच्छा दिल्या.

08677