शिरूर, ता. १३ : शिरूर शहरासह तालुक्याच्या काही भागात मंगळवारी (ता. १३) सायंकाळनंतर अवकाळी पाऊस झाला. या पावसाने शेतीसह इतर नुकसान झाले नसले; तरी ऐन थंडीच्या वातावरणात अचानक बदल झाला त्यामुळे रोगराईची भीती व्यक्त केली जात आहे. शिरूर शहरात अर्धा तासाहून अधिक काळ मध्यम स्वरूपाचा पाऊस कोसळला. पश्चिम पट्ट्यातील कवठे, सविंदणेसह रांजणगाव एमआयडीसी परिसरातही मध्यम स्वरूपाच्या पावसाच्या सरी कोसळल्या; मात्र या अवकाळी पावसाने कुठेही मोठ्या नुकसानीची नोंद झाली नाही. तरीही या अवकाळी पावसाने गहू व ज्वारीसह हरभरा व इतर तरकारी पिकांवर चिकटा, तांबेरा आदी प्रकारची रोगराई पडू शकते, अशी चिंता शेतकरी वर्गातून व्यक्त केली जात आहे.