तळेगाव ढमढेरे, ता. २५ : धानोरे (ता. शिरूर) येथील जिल्हा परिषद प्राथमिक शाळेतील दोन विद्यार्थ्यांनी पूर्व उच्च प्राथमिक शिष्यवृत्ती परीक्षेत जिल्हा गुणवत्ता यादीत स्थान मिळवले आहे.
पार्थ सावंत (२७२ गुण) व आर्यन गजरे (२६० गुण) अशी या यशस्वी विद्यार्थ्यांची नावे आहेत. यातील आर्यन गजरे याची जवाहर नवोदय विद्यालयामध्ये निवड झाली आहे. या विद्यार्थ्यांना दत्तात्रेय वडघुले यांनी मार्गदर्शन केले. गुणवंत विद्यार्थी व मार्गदर्शक शिक्षकांचा मान्यवरांच्या हस्ते सत्कार करण्यात आला. मुख्याध्यापक शंकर शिंदे (सेवानिवृत्त), शाळा व्यवस्थापन समितीचे अध्यक्ष शांतिलाल भोसुरे, पदवीधर संघटनेचे राज्याध्यक्ष अनिल पलांडे, मुख्याध्यापक नवनाथ भुजबळ व ग्रामस्थांनी यशस्वी विद्यार्थ्यांचे अभिनंदन केले.