तळेगाव ढमढेरे, ता. २२ : रांजणगाव गणपती (ता. शिरूर) येथील शेतकरी नानासाहेब दिनकरराव पाचुंदकर पाटील परिवारातर्फे तुळजापूर मंदिरातील भवानी माता मूर्ती, गाभारा तसेच आतील व बाहेरील परिसरात आकर्षक फुलांची सजावट केली आहे.
नवरात्रोत्सवानिमित्त सोमवारी (ता. २२) पहिल्याच दिवशी पाचुंदकर पाटील परिवारातर्फे फुलांची आकर्षक सजावट करण्यात आली आहे. यावेळी पाचुंदकर परिवारातील उद्योजक मानसिंग पाचुंदकर, ज्ञानेश्वर पाचुंदकर व परिवारातील सर्वजण उपस्थित होते. यावेळी परिवाराच्या हस्ते तुळजापूरच्या अंबाबाईची आरती घेण्यात आली. तुळजापूर देवस्थानतर्फे पाचुंदकर परिवाराचा तुळजाभवानी मातेची प्रतिमा देऊन सत्कार केला. आकर्षक फुलांमध्ये झेंडू , ऍस्टर, शेवंती, कमळ, गुलाब यांच्यासह १२ विविध प्रकारच्या फुलांची आकर्षक सजावट करण्यात आली आहे. तुळजापूर येथील मंदिरात फुलांची आकर्षक सजावट सर्व भक्तांचे लक्ष वेधून घेत होती.