थेऊर, ता. २७ : एका रीलस्टारकडे शरीर सुखाची मागणी केल्याप्रकरणी एकावर गुन्हा दाखल करण्यात आला आहे.
पोलिस सूत्रांनी दिलेल्या माहितीनुसार, ३७ वर्षीय पीडित रीलस्टारने दिलेल्या फिर्यादीवरून कानिफनाथ सुदाम जगदाळे (वय ३९, रा. माळी मळा, लोणी काळभोर, ता. हवेली) याच्यावर गुन्हा दाखल केला आहे.
पीडिता ‘रीलस्टार’ या पती व मुलांसोबत एका कार्यक्रमासाठी आल्या होत्या. कार्यक्रम पाहत असताना कानिफनाथ तेथे आला. त्यावेळी त्याने, ‘तुमच्याकडे काम आहे,’ असे कारण सांगून तिला एका बाजूला बोलाविले व ‘माझं तुझ्यावर प्रेम आहे, तू मला आवडतेस, तू माझ्यासोबत एक रात्र झोप,’असे म्हणून मनास लज्जा उत्पन्न होईल, असे गैरवर्तन केले. याबाबत तिच्या पतीने जाब विचारताच जगदाळे याने,‘ मी तुझ्या पत्नीला बोललो आहे, तुला काय करायचे आहे ते कर, तू जास्त बोलला तर तुझे हातपाय काढून टाकीन,’ अशी धमकी दिली. पीडित रीलस्टारने लोणी काळभोर पोलिस ठाण्यात फिर्याद दिली. त्यावरून जगदाळे याच्यावर गुन्हा दाखल केला आहे. पुढील तपास लोणी काळभोरचे वरिष्ठ पोलिस निरीक्षक राजेंद्र पन्हाळे यांच्या मार्गदर्शनाखाली पोलिस उपनिरीक्षक पूजा माळी करीत आहेत.